Viel Spaß beim Lesen!!  

Die Woihnachtsgschicht 

uf pälzisch

De Engel Gabriel is vun Gott nooch Nazareth,

e Stadt in Galiläa,

geschickt Worre zu eme Mädel.

Die war mit eme Mann namens Josef verlobt,

wo vum David abgstammt hot.

Der Engel is zu ere roikomme un hot se aageredt:

" Ich grieß Dich Maria. De Herr hot dich ganz besonders

lieb un is bei dir."

Do is die Maria ganz schäm verschrogge un hoc sich gfroocht,

was der Gruß bedeite soll.

Do hot der Engel zu ere gsacht:

Du brauscht käs Ongscht zu hawe, Maria!

Du wirscht schwanger were un en Bu uff die Welt bringe.

Den sollscht Jesus nenne.

Der werd groß soi un de Sohn vom Hegschde genennt werre,

un Gott werd em die Herrschaft vun soim Ahne David gewwe,

un er werd Känich iwwers Hause jakob soi bis in alle Ewischkeit,

un sei Herrschaft werd nimmer ufheere."

Awwer die Maria hot zu dem Engel gsacht:

"Wie soll en des gehe? Ich hab doch noch mit gar kääm Mann zu due ghabt"

Un de engel hot ere zur Antwort gewwe:

"De Heiliche Geist un de Kraft vun Gott werre iwwer dich Kumme.

Deswege werd aa doen Bu heilig sos un "Goddessohn" genennt werre.

Aa die Elisabeth, doi Verwandt,

kriegt in ihrm Alder noch en Bu. 

Sie ist jetzt schon im sechste Monat un dodebei hots geheeße,

sie kännt kää Kinder krigge. Nix is fer Gott uumeglich."

Do hot die Maria gsacht:

"Ja, ich bin em Herr soi Magd. Es soll so Kumme,

wie du gsacht hoscht."

Un dann is der Engel Widder vun ere fortgange.

Domols hot de Kaiser Auguschdus e Gsetz erlosse, dass alle Leit im Rämische Reich sich in Steierlischde oitraache losse mißde.

Un des war s allererschde Mol, dass so ebbet durchgefiehrt Worre is, un zwar domols wie de Quirinius Statthalder vun Syrie war.

Do hawwe sich alle Leit uf de Weg gemacht, um sich oitraache zu lasse, un jeder is in die Stadt Gange wo er hergstammt hot.

Aa de Joseph is losgezoche vun Galiläa noch Judäa, im David sos Stadt, noch Bethlehem, weil er vom David abgstammt hot.

Dort wollt er sich mit seiner Braut Maria oitraache losse. Un die Maria is grad mit eme Kind Gange.

Un kaum ware se dort, hot Maria ihr King kriegt. Sie hot ihr erschde Bu uf die Welt gebrocht, un hot en in Windle gewiggelt un in e Futterkripp gelegt, weil sunscht in dem Wirtshaus kään Platz fer se war.

Un do ware Schäfer in der Gechend aufm Feld, die hawwe nachts uf ihr Herd ufgebaßt. Uf äämol is en Engel vum Gott zu ihne Kumme un em Herrgott sein Lichtschoi hat um se her geleicht, un sie sin arg verschrogge.

Awwer der Engel hot zu ihn e gsacht:"Habt kää Angscht! Isch bring eich e großi Freed. Die gilt fers ganze Volk. Der eich is nämlich seit imDavid seiner Stadt de Heiland gebore: de Herr Chrischdus. Un dodraa sollt Ers erkenne: 

Ihr findt des Bobbele in Windle gewiggelt inner Kripp ligge."

Un uf äämol ware bei dem Engel en ganzer Haufe himmlische Heerschare, die hawwe Gott gelobt un gerufe:

"Gott im Himmel gheert die Ehr, 

un uf de Erd soll Friede herrsche bei de Menschen, weil er se liebhot"

un glei druff, wie die Engel ridder retour in de Himmel Gange ware, do hawwe die Schäfer zu enanner gsacht: jetzt gehe mer mol uf Bethlehem un gugge uns aa, was do bassiert ist un was uns de Herr do hot wisse lasse."

Do sin se dabber hiegloffe un hawwe die Maria un de Joseph grunge un aa des Bobbelsche in der Kripo. Un wie se des gsehe hawwe, hawwe se verzählt, was eneiwwer des Kind gsacht Worre war. UN alle Leit, was gheert hawwe,

hawwe sich gewunnert iwwer des, was eine die Schäfer verzählt hawwe.

Awwer die maria, die hot alles fer sich bhalde un hot in ihrm Herz driwwer noochgedenkt. 

Un die Schäfer sin widder häämgange un hawwe Gott fer alles gepriesen un gelobt, was e gheert un gsehe hawwe.

S war genauso Gewese, wies ene Gracht worre war.

übersetzt von Walter Sauer, erschienen im Klein Verlag Speyer 

Ich wünsche allen ein gesegnetes Weihnachtsfest